මේ ලෝකේ මෙච්චර ලස්සන වෙලා තියෙන්නෙම මේ මිනිස්සුන්ගෙ තියෙන විවිධත්වය නිසාමයි කියලා මම තදින්ම විශ්වාස කරනවා. ඕනම මනුස්සයෙක්ට අයිතියක් තියෙන්න ඕනේ තමන්ට උපතින් ලැබුණු ශරීරයට වඩා තමන්ගේ මනස තමන්ට දෙන අනන්‍යතාවය අනුව ජීවත් වෙන්න. මේක තෙරුම් කරවන්න මම කියන කතාවක් තියෙනවා. ඒක චුට්ටක් කියවලා ඉන්නකො මාත් එක්ක එකග වෙන්න පුලුවන්ද බැරිද කියලා දැන්ම තීරණය කරන්න කලින්.
ලෝක කාන්තා දිනය වෙනුවෙන් මගේ ප්‍රාර්ථනාව…
මේ ලෝකේ මෙච්චර ලස්සන වෙලා තියෙන්නෙම මේ මිනිස්සුන්ගෙ තියෙන විවිධත්වය නිසාමයි කියලා මම තදින්ම විශ්වාස කරනවා. ඕනම මනුස්සයෙක්ට අයිතියක් තියෙන්න ඕනේ තමන්ට උපතින් ලැබුණු ශරීරයට වඩා තමන්ගේ මනස තමන්ට දෙන අනන්‍යතාවය අනුව ජීවත් වෙන්න. මේක තෙරුම් කරවන්න මම කියන කතාවක් තියෙනවා. ඒක චුට්ටක් කියවලා ඉන්නකො මාත් එක්ක එකග වෙන්න පුලුවන්ද බැරිද කියලා දැන්ම තීරණය කරන්න කලින්.
මම මේ කියන්න යන දේ මේ මොහොතට සැබෑවක් නොවෙන්න පුලුවන්, ඒත් මේ දෙන්න හදන පණිවිඩය තේරුම් ගත්තොත් ඔයා දිනුම්.
මේක කියවන ඔබ රෑපයෙන් පිරිමියෙක් වෙන්න පුලුවන්, කාන්තාවක් වෙන්න පුලුවන්. ඔබ හිතන පතන විදිහත් ඒ රෑපය හා සමානවම වෙනවා කියලා හිතන්නකෝ. ඒ කියන්නේ එක්කෝ ඔබට පිරිමියෙක්ගේ රූපයක් හිමී සහ ඔබ හිතන්නෙ පතන්නේ, ආසකරන්නේ පිරිමියෙක්ට ගැලපෙන දේවල්මයි. එහෙම නැත්තන් ඔබට කාන්තාවක්ගේ රූපයක් හිමී සහ ඔබ හිතන්නෙ පතන්නේ, ආසකරන්නේ කාන්තාවකට ගැලපෙන දේවල්මයි.
ඔන්න දවසක් ඔබේ ලගම නෑදෑයෙකුගෙ විවාහ උත්සවයකට ගෙදර හැමෝටම ආරාධනා ලැබෙනවා. නමුත් ඔබට මේකට සම්බන්ධ වෙන්න ලැබෙන්නේ නෑ ඒ දිනයේදිම වැදගත් විභාගයකට මුහුණ දෙන්න තියෙන නිසා. විභාගයට දින දෙකකට කලින් ගෙදර අනිත් හැමෝම ඉතාම දුර තියෙන විවාහය පිටත් උනත් ඔබ ගෙදර තනිවෙනවා. ඔවුන් නැවත එන්නේ දින තුනකින්. ඔබ හිතන් ඉන්නේ විභාගයට කලින් දවසෙ යාලුවෙක්ගෙ ගෙදර ගිහින් එයත් එක්කම පාඩම් කරලා විභාගෙට යන්න.
ගෙදර අය පිටත් උන දවසෙ රෑ නිදාගන්න ගිහිපු ඔයාට පාන්දර 4ට එකපාර ඇහැරෙන්නේ වැසිකිළි යෑමේ අවශ්‍යතාවයකුත් එක්ක. නිදන කාමරයේම කොනක තිබූ වැසිකිළියට ඔබ යන්නේ අඩවන් වූ දෑසින්, මන්ද වහාම නැවත නිදාගැනීමේ අවශ්‍යතාවය ඔබට තිබෙන නිසා. පුරුදු ලෙස නාන කාමරයට ඇතුලු වූ ඔබට වැඩි වේලාවක් යාමට මත්තෙන් ඉතා භයානක අත්දැකීමකට මුහුණ දීමට සිදුවෙනවා.
ඒ තමයි, ඔබගේ පෙර තිබූ ශරීර අවයවයන්ට හාත්පසින්ම වෙනස් වූ ඔබගේ විරුද්ධ ලිංගිකයන්ගේ අවයව හා සම්පූර්ණ පෙනුම ඔබට ලැබී තිබීමයි! එකම දේ ඔබ තවමත් සිතන්නේ පතන්නේ හා ප්‍රිය කරනුයේ ඔබගේ පෙර රූපයටයි. සරලවම ඔබගේ සිතුම් පැතුම් වලට ප්‍රතිවිරුද්ධ ශරීරයක් ඔබට ලැබී ඇත.
මොහොතක් සිතන්න…
මීළගට ඔබ කුමක් කරයිද? ඔබගේ මනසට මේක කොහොම දැනේවිද? මෙතනින් එහාට මුලු ජිවිත කාලෙටම ඔබට මේ ශරීරයට එක්ක ජීවත් වෙන්න උනොත්? හෙට යාලුවගෙ ගෙදර යනවද? මොකක්ද ඇදන් යන්නේ? එතකොට විභාගේ? අම්මලා, ගෙදර අය ඔයාව දැක්කම මොකක් වෙයිද?
හැමෝම කිව්වොත් දැන් හිත හදාගෙන තියෙන ඇගට ගැලපෙන්න හිතන්න පුරුදු වෙන්න කියලා?
ඇත්තටම පොඩ්ඩක් මේ ප්‍රශ්න ගැන හිතලා බැලුවොත් ඔබට තේරෙයි, තමන්ගේ හිතට නොගැලපෙන ඇගක් එක්ක ජීවත් වෙන එක පුදුම දුකක් නේද කියලා. මේක හිතද්දී ඔබට, මට මෙච්චර අමාරුයි නම් මේකට ඇත්තටම මුහුණ දුන්න, දෙන අයට ඒක කොච්චර අමාරු ඇද්ද? ප්‍රශ්නය තමන්ගේ වෙනතාක් උත්තරය දාර්ශනිකයි කියන්නේ මේ හින්දම වෙන්න ඇති නේද?
ලෝක කාන්තා දිනය වෙනුවෙන් මම ප්‍රාර්ථනා කරන්නේ, උපතින් පිරිමි ශරීරයක් හිමි උනත් මනසින් කාන්තා සිතිවිලි, හැගීම් දැනීම් තියෙන ඒ සියලුම කාන්තාවන්ට තමන්ගේ ලිංගිකක අනන්‍යතාව (Gender Identity එක) විවෘතව කතා කරන්න පුලුවන් සමාජයක්, රටක්, ලෝකයක් නිර්මාණය වේවා කියලයි!
සමාජය කියන්නේ අපිට. රට කියන්නේ අපිට. ලෝකේ කියන්නෙත් අපිටමයි. ඒ නිසා අපියි වෙනස් වෙන්න ඕනේ. අපි ගාව තියෙන වැරදි මතවාද වෙනස් වෙලා ආකල්පයම අතින් දියුණු උනදාට මේ ලෝකේ මාරම ලස්සන තැනක් වෙයි. අපේ Transgendersලව අපිට මැජික් එකක් වෙන එකක් නෑ. ඒ මිනිස්සුත් හරි සතුටින් ජීවත් වෙයි. හැමතිස්සෙම තමන් කාන්තාවක්ද, පිරිමියෙක්ද කියලා තීරණේ කරන අයිතිය ඒ මනුස්සයටම දෙන්න. ඒ තීරණයට මූලීක වෙන්නේ මනුස්සයගෙ ඇග නෙමෙයි හිතයි. ඔබට තාම අනුන්ගේ හිත් කියවන්න තරම් නුවණක් පහල වෙලා නැති නිසා අනිත් අයගේ ලිංගික අනන්‍යතාව තීරණේ කරන්න ඔබට කිසිම අයිතියක්වත්, හැකියාවක්වත් නෑ. ඔබ ඔබවම පමණක් හොයාගන්න උත්සාහ කරන්න. ඇත්තටම අමාරු තමන්ව හොයාගන්න එක. ඒ නිසා ඒ වෙනුවෙන් උත්සාහ කරන්න.
සටහන:
පී.එම්. බී අචිනි පූර්ණිමා ද සිල්වා
ලියාපදිංචි මනෝ උපදේශිකා
“සැනසුම” මනෝ උපදේශන සේවාව
සිතුවම් unsplash.com වෙබ් අඩවියෙන් හා Dall -E මගින් නිර්මාණය කර ඇත